ໂຄງການ ກໍ່ສ້າງເຄຫະສະຖານຂົວທາງ

ໂຄງການກໍ່ສ້າງທີ່ສຳຄັນອັນໜຶ່ງທີ່ພິສູດໄດ້ວ່າມີຄວາມທ້າທາຍຫຼາຍຕໍ່ກຸ່ມບໍລິສັດພອນສັກແມ່ນ 'ໂຄງການຍົກຍ້າຍເມືອງກະລຶມໃໝ່', ເຊິ່ງມີເນື້ອທີ່ທັງໝົດ 1,502 ເຮັກຕາ, ຫ່າງຈາກເມືອງກະລຶມເກົ່າປະມານ 32 ກິໂລແມັດ. ເນື່ອງຈາກເມືອງກະລຶມເກົ່າຕັ້ງຢູ່ໃນພູມສັນຖານເປັນພູດອຍ ແລະ ເຂົ້າເຖິງໄດ້ຍາກ, ຈຶ່ງຂາດສິ່ງອໍານວຍຄວາມສະດວກທັງໝົດເຊັ່ນ: ໂຮງຮຽນ, ສຸກສາລາ ແລະ ສິ່ງອໍານວຍຄວາມສະດວກພື້ນຖານອື່ນໆ ແລະ ຖືວ່າເປັນເມືອງໜຶ່ງທີ່ທຸກຍາກ ແລະ ດ້ອຍພັດທະນາທີ່ສຸດ. ເມືອງກະລືມ​ໃໝ່​ ​ແມ່ນ​ໄດ້​ກຳນົດ​ໃຫ້​ບັນດາ​ສິ່ງ​ອຳນວຍ​ຄວາມ​ສະດວກ​ທັງ​ໝົດ​ນີ້ ​ລວມທັງ​ເຮືອນ​ທີ່​ໄດ້​ຮັບ​ການ​ກໍ່ສ້າງ​ໃໝ່, ສຳນັກງານລັດ, ສູນ​ທຸລະ​ກິດ, ລະບົບ​ນ້ຳປະປາ, ລະບົບ​ຊົນລະປະທານ, ​ໄຟຟ້າ ​ແລະ ​ເສັ້ນທາງ​ເຂົ້າ​ເຖິງ. ໂຄງການດັ່ງກ່າວໄດ້ເລີ່ມມາແຕ່ເດືອນມັງກອນ ປີ 2012 ແລະ ໄດ້ສຳເລັດໃນປີ 2014, ໃນນັ້ນ ປະມານ 2,500 ຄອບຄົວໄດ້ຍົກຍ້າຍອອກຈາກເມືອງກະລຶມເກົ່າ.

ໃນປີ 2017, ກຸ່ມບໍລິສັດພອນສັກ ຍັງໄດ້ດຳເນີນໂຄງການຍົກຍ້າຍຈັດສັນປະຊາຊົນທີ່ໄດ້ຮັບຜົນກະທົບຈາກໂຄງການກໍ່ສ້າງເຂື່ອນໄຟຟ້ານໍ້າເທີນ 1 (NT1PC) ເຊິ່ງລວມມີການກໍ່ສ້າງເຮືອນ, ພື້ນຖານໂຄງລ່າງສາທາລະນະ (ໂຮງຮຽນ, ໂຮງໝໍ, ຕະຫຼາດ, ຫ້ອງການບ້ານ, ວັດວາອາຮາມ), ຝາຍປ້ອງກັນນໍ້າຖ້ວມ, ລະບົບຊົນລະປະທານ. ຈໍານວນ 624 ຄົວເຮືອນໄດ້ຖືກຍົກຍ້າຍໄປຢູ່ບ່ອນຕັ້ງຖິ່ນຖານໃໝ່ຢ່າງຖາວອນແລ້ວ. ກຸ່ມບໍລິສັດ ພອນສັກ ມີຄວາມຕັ້ງໃຈທີ່ຈະສຳເລັດວຽກງານທັງໝົດເພື່ອມອບໃຫ້ບໍລິສັດ NT1PC ພາຍໃນປີ 2023.