ສັງຄົມ ແລະ ສິ່ງແວດລ້ອມ

ກຸ່ມບໍລິສັດ ພອນສັກ ມຸ່ງໝັ້ນຮັບປະກັນວ່າ ທຸກໆການດຳເນີນງານຂອງຕົນມີຜົນກະທົບທາງລົບໜ້ອຍທີ່ສຸດຕໍ່ຊີວິດການເປັນຢູ່ຂອງຊຸມຊົນ ແລະ ສິ່ງແວດລ້ອມ, ພ້ອມທັງໄດ້ທຸ້ມເທຄວາມພະຍາຍາມ ແລະ ຊັບພະຍາກອນຂອງຕົນເຂົ້າໃນການປະເມີນຜົນກະທົບຕໍ່ສັງຄົມ ແລະ ສິ່ງແວດລ້ອມ ເປັນບູລິມະສິດອັນດັບໜຶ່ງ. ກຸ່ມບໍລິສັດ ພອນສັກ ມີຄວາມພາກພູມໃຈເປັນຢ່າງຍິ່ງ ໃນຄວາມມຸ່ງໝັ້ນໃນການຍຶດໝັ້ນມາດຕະຖານສາກົນໃນທຸກພາກປະຕິບັດ, ໂດຍສະເພາະແມ່ນຄວາມພະຍາຍາມໃນການພັດທະນາຂະບວນການການດຳເນີນງານທີ່ເປັນມິດກັບສິ່ງແວດລ້ອມໃນອະນາຄົດ. ໂດຍຜ່ານຄວາມຕັ້ງໃຈ ແລະ ຄວາມມຸ່ງໝັ້ນຂອງກຸ່ມບໍລິສັດ ພອນສັກ, ໂຄງການດັ່ງກ່າວໄດ້ຮັບການຍອມຮັບວ່າເປັນໂຄງການຕົວແບບໃນການພັດທະນາເສດຖະກິດ-ສັງຄົມ ແລະ ຄວາມພະຍາຍາມປົກປັກຮັກສາສິ່ງແວດລ້ອມແບບຍືນຍົງ, ເຊິ່ງເຮັດໃຫ້ກຸ່ມບໍລິສັດ ພອນສັກ ກາຍເປັນໜຶ່ງໃນຜູ້ນຳດ້ານອຸດສາຫະກຳທີ່ໄດ້ຮັບການຍອມຮັບໃນ ສປປ ລາວ.